വണ്ടി തടഞ്ഞാണ് ലീഗ് സംഘം ആക്രമണം നടത്തിയത്്. വണ്ടി നിര്‍ത്തി ജയരാജന്‍ ഇറങ്ങിയ സമയത്താണ് തല്ലിപ്പൊളിച്ചത്. രാജേഷിന്റെ മുതുകില്‍ കല്ലുകൊണ്ട് ഇടിച്ചു. കഴിഞ്ഞ ദിവസം സിപിഐ എം ബ്രാഞ്ച് സെക്രട്ടറി കുന്നോല്‍ രാജനെ വധിക്കാന്‍ ശ്രമിച്ചതിനെ തുടര്‍ന്ന് തളിപ്പറമ്പില്‍ സംഘര്‍ഷാവസ്ഥയുണ്ട്. ഞായറാഴ്ച രാത്രി ഡിവൈഎഫ്ഐ നേതാവ് ഉമേഷിന്റെ വീട് ലീഗുകര്‍ തല്ലിപ്പൊളിച്ചു. ഇവിടം സന്ദര്‍ശിക്കാന്‍ പോയതാണ് പി ജയരാജന്‍ . പാര്‍ട്ടി എരിയ സെക്രട്ടറി പി വാസുദേവന്‍ , ഏ സി അംഗം സി മുകുന്ദന്‍ എന്നിവരും കൂടെയുണ്ടായിരുന്നു. ഇവര്‍ക്ക് മുന്നിലായി ഓട്ടോയില്‍ പോയ ഏരിയ കമ്മറ്റിയംഗം കെ ബാലകൃഷ്ണന്‍ ,ദേശാഭിമാനി ലേഖകന്‍ രാജീവന്‍ എന്നിവരെയും ആക്രമിച്ചു. ദേശാഭിമാനി ഫോട്ടോഗ്രാഫര്‍ ദിലീപ്, കൈരളി ടിവി പ്രവര്‍ത്തകരായ ഷിജിത്, ബാബുരാജ്, ജയന്‍ തുടങ്ങിയവര്‍ക്കും പരിക്കുണ്ട്. ജയരാജനടക്കം പരിക്കേറ്റവരെയെല്ലാം തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. പ്രാദേശിക ചാനലായ സീല്‍ ടിവി സംഘം സഞ്ചരിച്ച വാഹനവും ആക്രമിക്കപ്പെട്ടു.

ആഭ്യന്തര സെക്രട്ടറിയ്ക്ക് ഇന്നലെയാണ് രാജിക്കത്ത് നല്‍കിയത്. രാജിക്കാര്യം പി.എ അഹമ്മദ് മാധ്യമങ്ങളോട് സ്ഥിരീകരിച്ചു. കേസ് ഈ മാസം 23ന് പരിഗണിക്കാനിരിക്കെയാണ് പബ്ലിക് പ്രോസിക്യൂട്ടറുടെ രാജി.

പാമോലിന്‍ കേസില്‍ അന്വേഷണ സംഘം തൃശൂര്‍ വിജിലന്‍സ് കോടതിയില്‍ തുടരന്വേഷണ റിപ്പോര്‍ട്ട് സമര്‍പ്പിച്ചത് താനുമായി ആലോചിക്കാതെയാണെന്ന് പി.എ അഹമ്മദ് ആരോപിക്കുന്നു. ഉമ്മന്‍ചാണ്ടിയെ കുറ്റവിമുക്തനാക്കിയ അന്വേഷണ റിപ്പോര്‍ട്ടിലെ കണ്ടെത്തലുകളോട് യോജിക്കാനാവില്ലെന്നും അദ്ദേഹം ചൂണ്ടിക്കാണിക്കുന്നു.

വി.എസ് അച്യുതാനന്ദന്റെ കാലത്താണ് പാമോലിന്‍ കേസ് സ്‌പെഷല്‍ പബ്ലിക് പ്രോസിക്യൂട്ടറായി വി.എ അഹമ്മദിനെ നിയമിച്ചത്. അതിനുശേഷം ഉമ്മന്‍ചാണ്ടി സര്‍ക്കാര്‍ അധികാരത്തില്‍ വന്നപ്പോള്‍ അദ്ദേഹം തന്നെ തുടരുകയായിരുന്നു.

നേരത്തെ കേസ് പരിഗണിച്ച തിരുവനന്തപുരം വിജിലന്‍സ് കോടതി ജഡ്ജി പി.കെ ഹനീഫ പാമോലിന്‍ കേസില്‍ ഉമ്മന്‍ചാണ്ടിയുടെ പങ്ക് അന്വേഷണവിധേയമാക്കണമെന്ന് ഉത്തരവിട്ടിരുന്നു. ഈ വിധി പുറത്തുവന്നതിനെ തുടര്‍ന്നാണ് ഉമ്മന്‍ചാണ്ടി വിജിലന്‍സ് വകുപ്പ് ഒഴിഞ്ഞത്.

ഉമ്മന്‍ചാണ്ടിയുടെ പങ്ക് അന്വേഷിക്കണമെന്ന ജഡ്ജി പി.കെ ഹനീഫയുടെ വിധി ഏറെ വിവാദങ്ങള്‍ക്കിടയാക്കിയിരുന്നു. ഇതേ തുടര്‍ന്ന് കേസ് പരിഗണിക്കുന്നതില്‍ നിന്നും തന്നെ ഒഴിവാക്കണമെന്നാവശ്യപ്പെട്ട് ഹനീഫ ഹൈക്കോടതി സമീപിച്ചു. അദ്ദേഹം ആവശ്യപ്പെട്ടപ്രകാരം കേസ് തൃശൂര്‍ വിജിലന്‍സ് കോടതിയിലേക്ക് മാറ്റുകയായിരുന്നു.

ഇതിനുശേഷം കേസ് പരിഗണിച്ച തൃശൂര്‍ വിജിലന്‍സ് കോടതി മുഖ്യമന്ത്രി ഉമ്മന്‍ചാണ്ടിയ്‌ക്കെതിരെ തെളിവില്ലെന്നും അന്വേഷണം നടത്തേണ്ടെന്നും പറഞ്ഞിരുന്നു. എന്നാല്‍ സ്‌പെഷല്‍ പബ്ലിക് പ്രോസിക്യുട്ടറുടെ രാജിയോടെ പാമോലിന്‍ കേസ് വീണ്ടും രാഷ്ട്രീയവിവാദത്തിന് കാരണമായിരിക്കുകയാണ്.
കടപ്പാട് : Dool news

മദര്‍ തെരേസയുടെയും കമ്യൂണിസ്റ്റ് പ്രസ്ഥാനത്തിന്റെയും കമ്യൂണിസ്റ്റ് നേതാവ് ജ്യോതിബസുവിന്റെയും പ്രവര്‍ത്തനങ്ങള്‍ക്ക് ഏറെ സമാനതകളുണ്ട്. ഈ സമാനതകളാണ് ജ്യോതിബസുവും മദര്‍ തെരേസയുമായുള്ള സുദൃഢമായ സൗഹൃദത്തിന്റെ അടിസ്ഥാനം. മദര്‍ തെരേസയുടെ ജീവചരിത്ര രചനയുമായി ബന്ധപ്പെട്ട് മുന്‍ തെരഞ്ഞെടുപ്പ് കമീഷണര്‍ കൂടിയായ നവീന്‍ ചൗള ജ്യോതിബസുവുമായി സംസാരിച്ചപ്പോള്‍ മദര്‍ തെരേസയുമായുള്ള സൗഹൃദത്തിന്റെ കാരണം അന്വേഷിച്ചു. ഞങ്ങള്‍ ഇരുവരും പാവങ്ങളെ സ്നേഹിക്കുന്നു എന്നായിരുന്നു പുഞ്ചിരിച്ചുകൊണ്ട് ജ്യോതിബസുവിന്റെ മറുപടി. 1905ലെ ബംഗാള്‍ വിഭജനമാണ് വിപ്ലവ പ്രസ്ഥാനങ്ങള്‍ക്ക് തുടക്കം കുറിച്ചത്. ബ്രിട്ടീഷുകാരെ ഞെട്ടിച്ച നിരവധി പ്രവര്‍ത്തനങ്ങള്‍ നടത്തിയ വിപ്ലവകാരികളില്‍ കുറേപ്പേരെ കൊന്നൊടുക്കി. നിരവധി പേരെ ആന്‍ഡമാനടക്കം വിവിധ ജയിലുകളിലേക്കയച്ചു. ജയിലുകളില്‍നിന്ന് അവര്‍ കമ്യൂണിസ്റ്റ്പാര്‍ടി കെട്ടിപ്പടുക്കാന്‍ തുടങ്ങി.
1942ലെ ക്വിറ്റ് ഇന്ത്യാ സമരകാലത്ത് കമ്യൂണിസ്റ്റ് പ്രസ്ഥാനത്തെ ഒറ്റപ്പെടുത്താന്‍ ശ്രമിച്ച കോണ്‍ഗ്രസിന് തൊട്ടടുത്ത വര്‍ഷം നടന്ന ബംഗാള്‍ ക്ഷാമകാലത്ത് ജനങ്ങള്‍ക്ക് ആശ്വാസമെത്തിക്കാനുള്ള ഒരു പ്രവര്‍ത്തനവും നടത്താനായില്ല. കമ്യൂണിസ്റ്റ് പാര്‍ടി ഇന്ത്യയിലെങ്ങും പ്രചാരണം നടത്തുകയും ക്ഷാമബാധിതരെ സഹായിക്കാനുള്ള നിരവധി ക്യാമ്പുകളും സമൂഹ അടുക്കളകളും സ്ഥാപിക്കുകയും ചെയ്തു. 1946-47 കാലത്ത് നടന്ന തേഭാഗ സമരം പാവപ്പെട്ട കര്‍ഷകര്‍ക്ക് ജീവിതം നല്‍കാനുള്ള കമ്യൂണിസ്റ്റ് പാര്‍ടിയുടെ പോരാട്ടമായിരുന്നു. 1946ലെ പ്രത്യക്ഷ കര്‍മപരിപാടിയില്‍ നാലായിരത്തോളം പേര്‍ കൊല്ലപ്പെട്ട കൊല്‍ക്കത്ത നഗരത്തിലും വിഭജനത്തിന്റെ മുറിവുകളേറ്റ മറ്റു പ്രദേശങ്ങളിലും ദുരിതാശ്വാസ പ്രവര്‍ത്തനവുമായെത്തിയതും കമ്യൂണിസ്റ്റുകാര്‍ തന്നെ. 1947ലെ അഭയാര്‍ഥിപ്രവാഹം ബംഗാളിനെ മരണതുല്യമാക്കിയിരുന്നു. കളിച്ചുവളര്‍ന്ന ഗ്രാമവും കൃഷിയിടവും കിടപ്പാടവും സംസ്കാരവുമെല്ലാം പിന്നിലുപേക്ഷിച്ച് ജീവന്‍ മാത്രം കൈയിലെടുത്ത് ഓടിപ്പോന്ന ജനലക്ഷങ്ങള്‍ . അവര്‍ക്കെല്ലാം ഒരേ കഥയാണ് പറയാനുണ്ടായിരുന്നത്.

അഭയാര്‍ഥികളില്‍ മുക്കാല്‍പങ്കും എത്തിയത് കൊല്‍ക്കത്ത നഗരത്തില്‍ . പഞ്ചാബില്‍നിന്ന് ഓടിപ്പോന്ന് ഡല്‍ഹിയില്‍ തമ്പടിച്ച അഭയാര്‍ഥികളെ പുനരധിവസിപ്പിക്കുന്നതിലായിരുന്നു നെഹ്റു സര്‍ക്കാരിന്റെ ശ്രദ്ധ മുഴുവനും. ബംഗാള്‍ അഭയാര്‍ഥികളെ അവര്‍ കണ്ടില്ലെന്നു നടിച്ചു. അഭയാര്‍ഥികള്‍ കൈയേറിയ ഒഴിഞ്ഞ സ്ഥലങ്ങളില്‍നിന്ന് അവരെ ആട്ടിയോടിക്കാന്‍ ഗുണ്ടാപ്പടയും സര്‍ക്കാര്‍ സംവിധാനങ്ങളും ശ്രമിച്ചപ്പോള്‍ അവരെ സംരക്ഷിക്കാനുള്ള ശക്തമായ പോരാട്ടങ്ങള്‍ നടത്തിയതും കമ്യൂണിസ്റ്റ് പാര്‍ടിയാണ്. അതിനാല്‍ കിഴക്കന്‍ ബംഗാളില്‍നിന്നുവന്ന് പടിഞ്ഞാറന്‍ ബംഗാളില്‍ താമസമാക്കിയ ജനവിഭാഗങ്ങള്‍ക്കിടയില്‍ കമ്യൂണിസ്റ്റ ്പാര്‍ടിക്ക് ശക്തമായ സ്വാധീനമുണ്ടായിരുന്നു. കമ്യൂണിസ്റ്റ് പാര്‍ടിയുടെ പ്രവര്‍ത്തനങ്ങള്‍ക്ക് നേതൃത്വം നല്‍കിയിരുന്നത് ജ്യോതിബസു അടക്കമുള്ള നേതാക്കളും. ഈ പശ്ചാത്തലത്തിലാണ് കൊല്‍ക്കത്തയില്‍ മദര്‍ തെരേസയുടെ കാരുണ്യ പ്രവര്‍ത്തനങ്ങള്‍ 1950ല്‍ ആരംഭിക്കുന്നത്. ഈ ചരിത്ര പശ്ചാത്തലം വിവരിക്കാതെ ജ്യോതിബസുവും മദര്‍ തെരേസയുമായുള്ള ബന്ധം വിവരിക്കുന്നത് അപൂര്‍ണമാകും. ഇരുവരും തമ്മിലുള്ള ബന്ധം കൂടുതല്‍ ദൃഢമായത് ജ്യോതിബസു മുഖ്യമന്ത്രിയായ ശേഷമാണ്. എപ്പോള്‍ ആവശ്യപ്പെട്ടാലും മദര്‍ തെരേസയെ കാണാനും അവരുടെ ആവശ്യങ്ങള്‍ കേള്‍ക്കാനും തയ്യാറായിരുന്ന നേതാവാണ് ജ്യോതിബസു. മദര്‍ തെരേസ കൂടിക്കാഴ്ച ആവശ്യപ്പെട്ടാല്‍ ഒട്ടും വൈകാതെ അനുവദിക്കണമെന്ന് ജ്യോതിബസു നിര്‍ദേശിച്ചിരുന്നുവെന്ന് 1977 മുതല്‍ അദ്ദേഹത്തിന്റെ സഹായിയായിരുന്ന ജൊയ്കൃഷ്ണ ഘോഷ് അനുസ്മരിച്ചിട്ടുണ്ട്. ഒരിക്കല്‍ ഡല്‍ഹിയില്‍ മദര്‍ തെരേസ അസുഖബാധിതയായി ആശുപത്രിയിലായപ്പോള്‍ എല്ലാ ദിവസവും വിളിച്ച് മദര്‍ തെരേസയുടെ സുഖവിവരങ്ങള്‍ ജ്യോതിബസു അന്വേഷിച്ചിരുന്നത് നവീന്‍ ചൗള വിവരിക്കുന്നുണ്ട്. മദര്‍ തെരേസയുടെ മരണാനന്തര ചടങ്ങുകള്‍ക്ക് വളരെ ചിട്ടയായി സംവിധാനങ്ങള്‍ ഏര്‍പ്പെടുത്താന്‍ ജ്യോതിബസുവിന്റെ പ്രത്യേക താല്‍പ്പര്യമുണ്ടായിരുന്നുവെന്നും അദ്ദേഹം പറയുന്നു. മദര്‍ തെരേസയെക്കുറിച്ച് സിനിമയെടുക്കുന്നെന്നറിഞ്ഞ് ബംഗാളിന്റെ മുഴുവന്‍ സഹായവും അതിനുണ്ടാകുമെന്ന് ജ്യോതിബസു ഉറപ്പുനല്‍കിയ കാര്യം സംവിധായകന്‍ രാജീവ്നാഥ് അനുസ്മരിച്ചിരുന്നു. കൊല്‍ക്കത്തയിലെ ആചാര്യ ജഗദീശ് ചന്ദ്ര ബോസ് റോഡില്‍ മിഷണറീസ് ഓഫ് ചാരിറ്റിയുടെ ആസ്ഥാന മന്ദിരവും സിപിഐ എമ്മിന്റെ സംസ്ഥാനകമ്മിറ്റി ഓഫീസും തമ്മിലുള്ള ദൂരം 100 മീറ്ററോളമാണെന്നതും കൗതുകകരമായ ഒരടുപ്പമാണ്.

ജ്യോതിബസുവും മദര്‍ തെരേസയും തമ്മിലുള്ള ബന്ധം ലോകപ്രസിദ്ധമാണ്. ഈ ബന്ധത്തിനു പിന്നിലുള്ള സാമൂഹ്യമായ കാരണം ജ്യോതിബസു വിവരിച്ചതു തന്നെയാണ്. അഗതികളുടെ അമ്മ ചെയ്ത സേവനങ്ങള്‍ക്ക് സമാനമായ പ്രവര്‍ത്തനങ്ങള്‍ തന്നെയാണ് ബംഗാളില്‍ കമ്യൂണിസ്റ്റ് പ്രസ്ഥാനം നിര്‍വഹിച്ചത്. പശ്ചിമബംഗാളില്‍ 1977ല്‍ ഇടതുമുന്നണി സര്‍ക്കാര്‍ അധികാരത്തില്‍ വന്നശേഷം സ്വീകരിച്ച ചരിത്രപരമായ ഭരണനടപടികള്‍ പാവങ്ങളോടുള്ള സ്നേഹത്തിന്റെ ഏറ്റവും നല്ല ഉദാഹരണങ്ങളാണ്. ബംഗാള്‍ ക്ഷാമവും 1959ലെ ഭക്ഷ്യപ്രസ്ഥാനവും പട്ടിണിയുടെ ചിത്രങ്ങളാണ് വരച്ചുകാട്ടുന്നത്. ബംഗാളില്‍നിന്ന് പട്ടിണി തുടച്ചുമാറ്റാനാണ് ഇടതുമുന്നണി സര്‍ക്കാര്‍ ജ്യോതിബസുവിന്റെ നേതൃത്വത്തില്‍ പ്രവര്‍ത്തിച്ചത്. പാവപ്പെട്ട പാട്ടകൃഷിക്കാര്‍ക്ക് കൃഷിഭൂമിയില്‍ സ്ഥിരാവകാശം നല്‍കാനായി ആരംഭിച്ച ഓപ്പറേഷന്‍ ബര്‍ഗ നിരവധി പ്രതിസന്ധികളെ അതിജീവിച്ചാണ് ലക്ഷ്യം കണ്ടത്. ഭൂമിയില്‍ അവകാശം ലഭിച്ച 15 ലക്ഷം കര്‍ഷകര്‍ക്ക് കൃഷിയില്‍ പതിന്മടങ്ങ് ആവേശമുണ്ടായി. ഭൂരഹിതരായ 30 ലക്ഷം പേര്‍ക്ക് മിച്ചഭൂമി ഏറ്റെടുത്ത് വിതരണം ചെയ്തു. ബംഗാളിനെ മാറ്റിമറിച്ച ഈ നടപടികള്‍ മൂലം ഭൂമിയുടെ 85 ശതമാനവും സാധാരണക്കാരും പാവപ്പെട്ടവരുമായ കര്‍ഷകരുടെ കൈകളിലെത്തി. ഭൂമിയുടെ തന്നെ ഈ വികേന്ദ്രീകരണമാണ് ബംഗാളില്‍ പട്ടിണി അവസാനിപ്പിച്ചതെന്ന് വിലയിരുത്താം. 35 ലക്ഷം പേര്‍ മരിച്ചുവീണ ബംഗാള്‍ ക്ഷാമത്തില്‍നിന്ന് ഭക്ഷ്യോല്‍പ്പാദനത്തിലെ സ്വയംപര്യാപ്തതയിലേക്ക് ബംഗാളിനെ ഉയര്‍ത്തിയതില്‍ നിര്‍ണായക പങ്കു വഹിച്ചത് ജ്യോതിബസുവായിരുന്നു. ജ്യോതിബസു ബംഗാളിലെ ജനങ്ങളുടെ ആരാധ്യപുരുഷനായത് സാധാരണജനങ്ങള്‍ക്കു വേണ്ടി നടത്തിയ മഹത്തായ പ്രവര്‍ത്തനങ്ങള്‍കൊണ്ടാണ്. മദര്‍ തെരേസ അഗതികളുടെ കണ്ണീരൊപ്പിയാണ് ലോകം ആരാധിക്കുന്ന കാരുണ്യപ്രവര്‍ത്തകയായത്. 2010ല്‍ ജ്യോതിബസു മരിച്ചപ്പോള്‍ മിഷണറീസ് ഓഫ് ചാരിറ്റിയിലെ അമ്മമാര്‍ അദ്ദേഹത്തെ ഒരു നോക്കുകാണാന്‍ കൂട്ടമായി വന്നെത്തിയത് നേരിട്ടുകാണാന്‍ അവസരമുണ്ടായി. തങ്ങളുടെ പ്രസ്ഥാനവും പ്രവര്‍ത്തനവും ബംഗാളില്‍ അനുഭവിക്കുന്ന സുരക്ഷിതത്വത്തിന് പ്രധാന കാരണക്കാരനാണ് ജ്യോതിബസുവെന്നുള്ള തിരിച്ചറിവായിരുന്നു അതിനു പിന്നില്‍ . മദര്‍ തെരേസയോടും മിഷണറീസ് ഓഫ് ചാരിറ്റിയോടും മാത്രമുള്ള സ്നേഹമല്ല ഇത്. ന്യൂനപക്ഷ ജനവിഭാഗങ്ങള്‍ ഏറ്റവും സുരക്ഷിതരായി പശ്ചിമ ബംഗാളില്‍ ജീവിച്ചത് ജ്യോതിബസുവിന്റെ നേതൃത്വത്തിലുള്ള ഗവണ്‍മെന്റിനു കീഴിലാണ്. വിഭജനകാലത്തെ നടുക്കുന്ന ഓര്‍മകളില്‍നിന്ന് കൊല്‍ക്കത്ത നഗരത്തെയും ബംഗാളിനെയും മോചിപ്പിച്ച് “സന്തോഷത്തിന്റെ നഗര”മായി കൊല്‍ക്കത്തയെ വിശേഷിപ്പിക്കുന്നതില്‍ എത്തിച്ച ഈ സാമൂഹ്യമാറ്റത്തിന്റെ ചാലകശക്തി കമ്യൂണിസ്റ്റ് പ്രസ്ഥാനവും അതിന് നേതൃത്വം നല്‍കിയ ജ്യോതിബസുവുമാണ്.

1984ല്‍ ഇന്ദിരഗാന്ധി വധത്തെത്തുടര്‍ന്നും 1992ല്‍ ബാബറി മസ്ജിദ് തകര്‍ത്തതിനെത്തുടര്‍ന്നും രാജ്യത്തിന്റെ പല ഭാഗങ്ങളും ന്യൂനപക്ഷ ജനവിഭാഗങ്ങളുടെ രക്തംകൊണ്ട് കുതിര്‍ന്നപ്പോള്‍ ബംഗാളിനെ ശാന്തമാക്കി നിര്‍ത്തിയത് ഇടതുപക്ഷ രാഷ്ട്രീയത്തിന്റെ ശക്തികൊണ്ടാണ്. തൊട്ടടുത്ത ഒറീസയില്‍ മിഷണറിയെ ചുട്ടുകൊന്നതും കന്ദമലില്‍ ക്രിസ്ത്യന്‍ വിഭാഗങ്ങള്‍ കൂട്ടക്കൊലയ്ക്കിരയായതും സമീപകാലത്താണ്. അവിടെയും ഉള്ള കഴിവുകള്‍വച്ച് സഹായം നല്‍കാനിറങ്ങിയത് കമ്യൂണിസ്റ്റ് പ്രസ്ഥാനമായിരുന്നു. രാജ്യത്തിന്റെ വിവിധ ഭാഗങ്ങളില്‍ ക്രിസ്ത്യന്‍ മിഷണറിമാരും കന്യാസ്ത്രീകളും ആക്രമിക്കപ്പെടുമ്പോള്‍ അവിടെയെല്ലാം ഓടിയെത്തുന്നത് ഇടതുപക്ഷ എംപിമാരും നേതാക്കളുമാണ്. ആക്രമണങ്ങളെ അപലപിക്കുന്നതും അവരാണ്. ബംഗാളിലെ കമ്യൂണിസ്റ്റുകാര്‍ ഏറെ ഇഷ്ടപ്പെടുന്ന മഹതിയാണ് മദര്‍ തെരേസ. ആ ഇഷ്ടത്തെക്കുറിച്ച് ആരോടും മറുപടി പറയേണ്ടതില്ല. യേശുക്രിസ്തുവിന്റെ മഹദ്വചനങ്ങളാണ് അവര്‍ പിന്തുടര്‍ന്നത്. നിന്നെപ്പോലെ നിന്റെ അയല്‍ക്കാരനെയും സ്നേഹിക്കുകയെന്നാല്‍ നിന്റെ സുഖങ്ങളും സൗകര്യങ്ങളും അവരുമായി പങ്കുവയ്ക്കുകയെന്നതാണ്. പാവപ്പെട്ട ജനകോടികളെ അയല്‍ക്കാരായി കരുതിയാണ് മദര്‍ തെരേസ പ്രവര്‍ത്തിച്ചത്. ആ കര്‍മധീരതയെയും അതിനു പിന്നിലുള്ള വികാരത്തെയും ആദരിക്കുന്നതിലും സ്മരിക്കുന്നതിലും എന്തോ അപകടമുണ്ടെന്ന് വരുത്തിത്തീര്‍ക്കാനാണ് ചില കേന്ദ്രങ്ങള്‍ ശ്രമിക്കുന്നത്. മദര്‍ തെരേസയും യേശുക്രിസ്തുവും ലോകം ആരാധിക്കുന്നവരാണ്. അവരെ അനുസ്മരിക്കുന്നതില്‍ വിലക്കോ?

വി ജയിന്‍
കടപ്പാട് :ദേശാഭിമാനി വാരിക

അതില്‍ ഒരു വിവാദവും കാണേണ്ട ആവശ്യമില്ല. ലോകം അംഗീകരിക്കുന്ന ഒരു സത്യം ഒരു രാഷ്ട്രീയ പാര്‍ട്ടി പ്രഖ്യാപിക്കുന്നു എന്നതില്‍ കവിഞ്ഞ് അതില്‍ എന്ത് വിവാദ മൂല്യമാണ് ഉള്ളതെന്ന് എത്ര ആലോചിച്ചിട്ടും വ്യക്തമാകുന്നില്ല.

കേരളത്തിലെ വ്യവസ്ഥാപിത സഭകള്‍ പലതും വെടിഞ്ഞ ഘട്ടത്തിലാണ് നില്‍ക്കുന്നത്. അതുകൊണ്ടു തന്നെയാവാം യേശുക്രിസ്തുവിനെ ഒരു വിപ്ലവകാരി എന്ന നിലയില്‍ ആരെങ്കിലും പറയുമ്പോള്‍ അതില്‍ ഒരു അസഹിഷ്ണുത ഈ സ്ഥാപിത മതത്തിന് തോന്നുന്നത്.

സി.പി.ഐ.എമ്മിന്റെ ചരിത്ര പ്രദര്‍ശനത്തില്‍ യേശുക്രിസ്തുവിന്റെ ചിത്രം പ്രദര്‍ശിപ്പിച്ചതുമായി ബന്ധപ്പെട്ട് മാധ്യമ പ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു യാക്കോബായ മെത്രാപൊലീത്ത ഗ്രിഗോറിയോസ് മാര്‍ കുറിലോസ്.iframe>

കൂടംകുളത്തിനടുത്തുള്ള ഉവ്വരിയെന്ന ഗ്രാമത്തിലെ പള്ളിയില്‍ യേശുക്രിസ്തുവിനും വിശുദ്ധര്‍ക്കുമൊപ്പം ചെങ്കൊടിയും സ്ഥാനം പിടിച്ചിട്ട് വര്‍ഷം ഒരുപാടായി. ഉവ്വരിയിലെ കപ്പല്‍മാത (സെല്‍വമാത) പള്ളിയിലാണ് പഴയ സോവിയറ്റ് യൂണിയന്‍ കൊടിയുള്ളത്.
1974ലാണ് സെല്‍വ മാതാ പള്ളി ഇവിടെ സ്ഥാപിച്ചത്. അന്നുമുതല്‍ ഇവിടുത്ത ചുമരില്‍ സ്ഥാനം പിടിച്ചതാണ് പഴയ സോവിയന്റ് യൂണിയന്റെ ചെങ്കൊടി. സോവിയറ്റ് യൂണിയന്‍ തകര്‍ന്ന് വര്‍ഷങ്ങള്‍ കഴിഞ്ഞിട്ടും ഈ ചെങ്കൊടി ആരും ഇവിടെ നിന്ന് മാറ്റിയിട്ടില്ല. സെന്റ് പോളിന്റെയും സെന്റ് പീറ്ററിന്റെയും അരികിലാണ് കൊടി സ്ഥാപിച്ച ചുവരുള്ളത്. ക്രിസ്ത്യന്‍ പള്ളിയുടെ സുപ്രധാന ആരാധന കേന്ദ്രമായ ദിവ്യമായ അള്‍ത്താരയിലാണ് ഈ കൊടിയും സ്ഥാപിച്ചിരിക്കുന്നത്.

ഈ കാലഘട്ടത്തിലെ വിമോചന പോരാളിയായി ചിത്രീകരിച്ച് കമ്മ്യൂണിസ്റ്റ് പാര്‍ട്ടികള്‍ ക്രിസ്തുവിനെ പ്രദര്‍ശിപ്പിച്ചതിനെ തുടര്‍ന്ന്‌ വിവാദം ഉയരുന്ന സാഹചര്യത്തിലാണ് ഈ പള്ളിയുടെ അള്‍ത്താരയിലുള്ള ചെങ്കൊടി കൗതുകമാവുന്നത്.

‘ ഒട്ടകം സൂചിതുളയിലൂടെ കടന്നാല്‍ മാത്രമേ ധനവാന്‍ സ്വര്‍ഗത്തില്‍ പ്രവേശിക്കുകയുള്ളൂവെന്നാണ് യേശു പറഞ്ഞത്. അങ്ങനെ പറയുമ്പോള്‍ അത് അടിച്ചമര്‍ത്തപ്പെട്ടവന്റെ ശബ്ദമാണ്. അടിച്ചമര്‍ത്തലിനും ചൂഷണത്തിനുമെതിരെ പോരാടുന്ന വിമോചന പോരാളിയാണ് യേശു. അദ്ദേഹം കൊള്ളപ്പലിശക്കാരെ ദേവാലയത്തില്‍ നിന്നും ചാട്ടകൊണ്ട് അടിച്ചുപുറത്താക്കി. ആ ക്രിസ്തുവിനെ സ്വാഭാവികമായും ഞങ്ങള്‍ ആദരിക്കുന്നതില്‍ ആര്‍ക്കും വിഷമം തോന്നേണ്ട കാര്യമില്ല.’ പിണറായി പറഞ്ഞു.

തിരു: കേരളത്തിലെ സ്വകാര്യ ആശുപത്രികളിലെ നേഴ്സുമാരുടെ ന്യായമായ ആവശ്യങ്ങള്‍ അംഗീകരിച്ച് അവരുടെ സമരം ഒത്തുതീര്‍ക്കാന്‍ ബന്ധപ്പെട്ടവര്‍ തയ്യാറാകണമെന്ന് സിപിഐ എം സംസ്ഥാന സെക്രട്ടറിയറ്റ് ആവശ്യപ്പെട്ടു. സ്വകാര്യ ആശുപത്രി നേഴ്സുമാര്‍ വിവിധതരത്തിലുള്ള സമരങ്ങള്‍ സംഘടിപ്പിച്ചുവരികയാണ്. അംഗീകൃത തൊഴില്‍നിയമങ്ങളുടെയും വ്യവസ്ഥകളുടെയും നഗ്നമായ ലംഘനത്തിനെതിരായാണ് സമരം. 2009ല്‍ എല്‍ഡിഎഫ് സര്‍ക്കാര്‍ നടപ്പാക്കിയ മിനിമം വേജസ് ആക്ടുപ്രകാരമുള്ള ആനുകൂല്യങ്ങള്‍ നല്‍കാന്‍പോലും പല സ്വകാര്യ ആശുപത്രികളും തയ്യാറായിട്ടില്ല. മിനിമം വേജസ് നിയമപ്രകാരം ജീവനക്കാര്‍ക്ക് വേതനങ്ങളും മറ്റ് ആനുകൂല്യങ്ങളും നല്‍കുന്നത് 24 ആശുപത്രികള്‍മാത്രമാണെന്ന് സംസ്ഥാന ലേബര്‍ കമീഷന്‍ പരിശോധനയില്‍ കണ്ടെത്തിയിരുന്നു. ജോലിഭാരവും ചുമതലകളും കൂടുതലുള്ള ഐസിയു-എമര്‍ജന്‍സി തുടങ്ങിയ വിഭാഗങ്ങളില്‍ ജോലിചെയ്യുന്നവര്‍ക്ക് പ്രത്യേക അലവന്‍സ് നല്‍കാനും ഇത്തരം സ്ഥാപനങ്ങള്‍ തയ്യാറല്ല. ദിവസം 12 മണിക്കൂറും മാസം 28 മുതല്‍ 30 ദിവസംവരെയും ജോലിചെയ്യേണ്ട സാഹചര്യമാണ് പലയിടത്തും. ഇത്തരത്തില്‍ ജോലിചെയ്യാന്‍ നിര്‍ബന്ധിതരാക്കുംവിധം സര്‍ട്ടിഫിക്കറ്റുകള്‍ വാങ്ങിവയ്ക്കുകയും രണ്ടുവര്‍ഷത്തേക്ക് ജോലിചെയ്യാമെന്ന് ഉറപ്പുവരുത്തി ബോണ്ടില്‍ ഒപ്പിടുവിക്കുകയും ചെയ്യുന്ന രീതിയും നിലവിലുണ്ട്. ഇടയ്ക്ക് പിരിയേണ്ടിവന്നാല്‍ സര്‍ട്ടിഫിക്കറ്റ് തിരികെ ലഭിക്കാനായി 50,000 മുതല്‍ ഒരുലക്ഷം രൂപവരെ ഈടാക്കുന്ന മാനേജ്മെന്റുകളുമുണ്ട്. മലയാളികളായ 11 ലക്ഷം നേഴ്സുമാരില്‍ ഒമ്പതുലക്ഷംപേരും വിദ്യാഭ്യാസവായ്പയുടെ ഭാരം പേറുന്നവരാണ്. ഇപ്പോള്‍ പലയിടത്തും ലഭിക്കുന്ന ശമ്പളംവച്ച് അവര്‍ക്കൊരിക്കലും വായ്പ തിരിച്ചടയ്ക്കാനാകില്ല. കടക്കെണിയില്‍പ്പെട്ട് നേഴ്സുമാരും ആത്മഹത്യ ചെയ്യേണ്ടിവരുന്ന സാഹചര്യമുണ്ടാകും. ന്യായമായ ആവശ്യങ്ങള്‍ ഉന്നയിച്ച് നേഴ്സുമാര്‍ നടത്തുന്ന പ്രക്ഷോഭങ്ങള്‍ക്ക് എല്ലാവിധ സഹായവും നല്‍കാന്‍ എല്ലാ ജനവിഭാഗങ്ങളോടും സെക്രട്ടറിയറ്റ് പ്രസ്താവനയില്‍ അഭ്യര്‍ഥിച്ചു.